Samichlousetag

Zum Glück erhielten wir so viele Värsli, damit wir uns den Blämu dieses Jahr ersparen können.

 

Suche hier ein Värsli aus, dass du dann dem Samichlaus erzählen kannst.

 

 

Wir danken allen Värslispender*innen vielmals für die Hilfe - ihr seid super!


Samichlous du liebe Maa
scho wieder stah ig daa...

Viu z viu z tüe ha ig mit lere...
so das ig chli Schoggi würd begehre.

Im Workload söui d Heterogenität beachte,
drbi würd ig viu lieber dr Tanneboum betrachte.

Es Värsli hani für di wöuä schribe...
es het aber müesse bim Workload blibe.

Binnedifferenzierig und Scaffolding si d Basisi für mis Bruefskonzept,
statt Ankä u Mähl für mis Bachrezept.

Liebe Samichlous bitte häb erbarme...
nimm e armi Studäntin i dini Armä...

Verteil üs chli Schoggola
und dr Gloube a di wird üs nie verlah.

 

Von Patricia Gertsch

Lehrveranstaltungen in Zeiten des Covids

Organisation des HS20, welch Heterogenität
Zoom, Teams und/oder Ilias, unsere Aktualität
Kamera/Ton ein und aus, unsere bittere Realität
Verlorene Unterlagen und falsche Links, welch Genialität

Wir fürchten uns vor der Scaffoldinglawine
und vermissen die tolle Kaffeemaschine!!!

Wo bleibt die Binnendifferenzierung
zu Zeiten der Coviddistanzierung?

Die Frage bleibt gewiss leider offen,
denn bald gibt es Guetzli im Ofen!

 

Von Cristina Tubio Diaz


Samichlous du liebe Maa,
itz bisch du ändlech widr da.

Lang heimer das Jahr müesse warte,
es zytli heimer nüm chönne i Chindergarte.

Das isch nid ganz eifach gsi,
abr zum Glück isch das itz verbi.

Mir hei ou vo dahei müesse studiere
u somit öppis Nöis usprobiere.

Begriffe wi Heterogenität u Scaffolding
-abr di kennt ja mittlerwile jedes Ching.

O Binnedifferenzierig heimer müesse lehre,
mir hei nümme gwüsst wo wehre.

Oni Mitstudierendi ischs ebe scho nid ds gliche,
so ganz elei chönnts eim grad dr Tag vermiese.

Drum simer froh bisch du itz da
u mir e gueti Zyt chöi zäme ha.

I wünsche mir nid Nüss u Schoggi,
sondern mit angerne zäme hocke wotti!

Gib d Ruete das Jahr Corona
u de vö mir im 21 hoffentlech vo vor ah.

 

Von Isabelle Gfeller

Am Schriibtisch hockend luegi usä
z'Wätter duss, das tuet mi gruusä

S'git Schnee heisi gseid, ganz viu heisi gmeint
Aber ig sägä dir, die hei üs iihnegleit

Dussä luuftets, rägnets, grännts
da nimi lieber no ä Biss vo mim Gritibänz

Und ja, sisch wahr, ou ig hocke da,
hätt bessers z'tüe aus z'Värsle gha

Aber äbä wiimer so sii,
PH-Studiis gäbä säch bi auem chli drii

 

Von Lisa Linder


Mir PH-Lüt gstalte d Bildig vo hüt.

Heterogenität isch üsi Spezialität.

Gern betribe mir Scaffolding und das für jedes Ching.

So isch üse Unterricht immer binnedifferenziert und uf gar ke fau z kompliziert.


Aline & Dario