De Samichlaus dankt allen Dichter*innen der PH-Bern!

Die Dichter*innen der PH-Bern waren in den letzten Tagen fleissig und haben dem Samichlaus aus der Patsche geholfen. Nicht nur der Samichlaus, sondern auch wir vom VdS mussten wegen der einen oder anderen Zeile der Versli schmunzeln. In diesem Sinne viel Spass beim Durchlesen der Versli.

 

PS: Liebe Dichter*innen vergesst nicht Eure Überraschung im VdS Büro abzuholen. Merci fürs Mitmachen!

 

Samichlous, du weisch doch aues, gäu?

Drum, bevor i dir eis singe, säg mer schnäu,

Warum wott es mir chum glinge

Uf Ilias zügig öppis z’finge.

 

D Dozänte lade Chrut u Rübe

Ds Züg ufe wo me brucht zum Üebe

Kene machts glich, jede het Fantasie

Aber ds Richtige finge glingt mer nie

 

Schänk mit nüt, Chlous, schänks dr PH

Struktur, Regle, Abmachige u sich haute dra

De machi Ilias lieber uf aus Netflix oder you….

Machs no hüt u nid ersch morn

 

U Chlous, we de scho grad dranne bisch

Stell doch im Fab008 es paar Stüehl ad Tisch

De cha me bim lere u ässe o mau hocke

Merci, Sami, u jetz las la rocke!!!

  • Probst, Beat

"Grittibänz u glücklechi Goofe

Manderindli, Nüssli, Samichlöis am schwoofe.

Zimetstärne, Liechtli, Schnee

was chame i dere Zyt ou schöners gseh?

Dr Schmutzli am bache,

d’Ängeli am lache.

E Huufe Dozis i glitzernde Gwänder

u d’Studis aus Värslispänder.

Die cheibe Workloads hani jz de gseh

i freue mi uf Wiehnachte mit ganz viu Schnee."

  • Nussbek, Linda

Samichlous du liebe Maa

Wie gärn würdi di ar PH ha.

Manderinli statt Seminar,

fändi iz gd wunderbar.

O zumne Glüewii sägi nid nei,

wemer derfür kener Vorläsige me hei.

U aui Dozänte wo schlächti Note verteile,

chasch gd i di Sack inegheie.

Drum bitte bring üs aune Grittibänze,

de chöimer zäme d PH schwänze.

  • Barth, Nina

Dusse isches chalt und ich bi im warme dehei

Dure Schnee gseh ich es Eseli, isches elei?

Ah Samichlaus du chunnsch dehär

Di Gschänklisack de isch so schwär

Oh Samichlaus bitte lueg schnäll drii

Ich hoff du hesch au öpis für mich debii

Ich bi immer brav gsi, chasch s Mamai froge

Jede Tag vom Ufstoh bis zum Schlofe z'obe

Und bevord wider use gosch in Schnee

Dörfsch dir us de Schale es Gutzeli neh

  • Steiner, Svenja

Oh Samichlous, was wosch du wieder vo üs,

I weiss nimau was du mit Wahlä der Wal mir wosch sege.

Damit du nid unvorbereitet ir Nacht vorem Seminar dini Huusufgabe muesch mache,

Hani probiert für di es paar Ziile z'dichte.

Eigentlech hani gar ke Zyyt für das,

Für chli Bildig muess i aber e freie Minute zur Verfüegig ha.

Mir söue öpis über Sprachsensibilisierig lere,

U glich jedes Fremdwort seuber gah üs aheigne.

Integrativ si paar Dozierendi mitem neue Studieplan immer no nid,

Aber villech ligts o eifach am exzessive Fremdwörtergebruch hie.

Um chli Ufklärig zbetribe,

"gemässigt, auf Ausgleich bedacht, kompromissvoll, massvoll" isch vom Duden drzue usgspukt worde.

Natürlech würdi nie öpis schlechts über d'PH sege,

Ds Fübi u dr Glüehwyy si aber scho öpis vom beste drann.

So Samichlous, du wissensdurstige Maa,

I freue mi scho uf nächst Jahr!

  • Anonym 


Värsli vo de letschte Jahr

"Samichlaus du liebe Ma

finally bisch widr da

 

Ferti mit dere Coca Cola-Werbigsqual
Iz hesch widr Ziit fürs Eseli und em Wahlä dr Wal

Ou um Sprachsensibilisierig sötsch di dringend kümmere
es Malheure i awäseheit vo de SuS
chönnt di ganz Mythos zertrümmere

Di Bsuech müesse mir guet gstallte
und zwar Integrativ!
Jede wett es Seckli erhalte
ou d Liza, ou dr Ahmed, ou dr Yves

U we du de bi üs gsi bisch
u nümm wetsch si es Wärbegsicht
De take a seat am Lehrertisch
Und gstallt mit üs dr Unterricht

Dr Lehrermangu dä isch gross
Du im Kollegium
wärsch e risige Trost"

 

Von Laila Fankhauser

"Samichlous, du liebe Ma

weisch jetzt faht das wider ah…

 

Die ganze Prüefige u Leistigsnachwise wo mir probiere differenziert und integrativ ds schaffe mache mir üs ou mängisch chli zu Affe.

 

Doch ufgrund vo däm hei mir d’Wahl der Wal, öb mir no witermache und ä sprachsensibilisierendi Witerbiudig im Dütsch wei dürehustle.

 

So viu entscheidige uf eim Huufe u drum gö mir lieber no es Glüehwiih ga süüfle!"

 

Von Svenja Mosimann


"Samichlous, du liebe Ma

Gäu, i mues ke Ruete ha?"

Wenn i das Värsli no einisch ghöre…

Es duet mi öbbis feschd dran störe!

 

Dä Satz isch so negativ formuliert

U gar nid uf d Kompetänze fokussiert

Wär seit de, was guet isch u was schlächt?

Nach welere Norm u welem Rächt?

 

Binnedifferenzierig sötts ou no gä

Was bitteschön isch e Ruete, hä?

Mir müsse üs chli nöi orientiere

Und d Heterogenität zelebriere

 

Wiso nid mou e Samichlousin?

Das miech doch wäger o viu Sinn

U was isch mitem gschichtleche Aschpäkt?

Dr Schmutzli ischmer sehr suschpäkt

 

Scaffolding isch zur Orientierig wichtig

Mache mers doch no einisch richtig:

Bimne settige Thema immer vernetzt däinke

Und de Ching verschidnigi Perspektive schäinke

 

Um was geits de überhoupt?

Isch di Gschicht nid lang verstoubt?

Geits um Manderindli und Schöggeli?

Um di Manne, ume Esu u sis Glöggeli?

 

Oder steckt derhinger villech no meh?

Öbbis womer nid ufe erschd Blick gseh?

E Lektion ganz glöst vo Religion

Wichtig i absolut jedere Situation

 

Löhmer d Ching di Gschicht entdecke

Si müesse sech nid vorem Schmutzli verstecke

D Morau: simer doch Barmhärzigkeit und lieb S gieb viu weniger Krach u o ke Chrieg

 

Von Leila Hachwi

Ha denkt i fah au mal ah,
damit au ig, nid mit leere Händ da stah.

D’Wörter füre Samichlaus, schwieriger chennte si nid si,
isch ja au nid so, als hätti gar kei Ziit.

Im Lehrerbruef wird Heterogenität ganz gross gschribe,
u gege Schluss darf sie glich nid blibe,


wie du merksch falle mir chum Wörter ih,
Binnendifferenzierig wär au hie zu lieb gsi.


U iz no sletzte Lange,
s’Scaffolding macht mer iz scho bange..


es isch aues wichtig ja,
wünsche aune es ganz schöns Neujahr,
das isch nähmlech ou wichtig, klar!


D’Reime si au scho besser gsi..
Schnuufed dure u gniessed d’Ziit,
wo mer no ar PH cheu si,
si isch leider scho gli verbi.!


(Denn es werde dPrüefige cho,
wo au dr Samichlaus nid ha helfe, yo!)

 

Von Jasmin Abegg